அடர்த்தியான மழையைத் தவிர்த்து
வேறெவருமிருக்கவில்லை
தூறல் வலுத்த கணமது
வீதியின் ஒரு புறத்தில் நீ
இதுவரை கவிழ்ந்திருந்த தலையை
முக்காட்டுக்குள்ளிருந்து நிமிர்த்தி
எதிரே வருமென்னைப் பார்க்கிறாய்
காற்றடித்து வலுத்த மழைக்குத் தப்பியோட
நானிருக்கும்போது நீ முயற்சிக்கவில்லை
உன் நாணத்தை முழுமையாக வழித்தெறியத்
தூறலுக்குத் தெரியவுமில்லை
உன்னிடமோ என்னிடமோ
அந்திவேளையின் மழையை எதிர்பார்த்த
குடைகள் இல்லை
வானிலிருந்து பொழியும் நீர்த்துளிகளைத் தடுக்க
மேனிகளுக்குத் தெரியவுமில்லை
இத்தனைகள் இல்லாதிருந்தும்
ஆண்மையென்ற பலமிருந்து நான்
அருகிலிருந்த என் வீட்டிற்கு ஓடுகிறேன்
காற்சட்டையில் சேறடித்திருக்கக்
கவலையேதுமில்லை
தேய்த்துக் கழுவ அம்மா இருக்கிறாள்
நான் மறையும்வரை காத்திருந்து நீயும்
புத்தகங்களை நெஞ்சில் அணைத்து
பேருந்து நிறுத்தம் நோக்கி
ஓடத்துவங்குகிறாய்
திரைக்காட்சிகளில் வரும்
அழகிய இளம்பெண்களின்
மழை நடனங்கள் பற்றிய கனவுகளோடு
யன்னல் வழியே பார்க்கிறேன் உன்னை
ஆங்காங்கே ஒழுகிவழியும்
பேரூந்து நிறுத்தத்துக்குள்
நீ முழுவதுமாக நனைந்திருக்க
அடிக்கடி பின்னால் திரும்பி
சேற்றோவியம் வரைந்திருந்தவுன்
நீண்ட அங்கியைக் கவலையுடன்
பார்த்தவாறிருக்கிறாய்
தேய்த்துக் கழுவுவது நீயாக இருக்கக்கூடும்
- எம்.ரிஷான் ஷெரீப்,
இலங்கை
நன்றி
# வடக்குவாசல் - டிசம்பர், 2009
# நவீன விருட்சம்
# தமிழ் எழுத்தாளர்கள்
# கீற்று
# திண்ணை
# வார்ப்பு
16 comments:
அருமையான கவிதை தோழர்,வாழ்த்துக்கள்.
அஸ்ஸலாமு அலைக்கும்,
அழகான கவிதை, நன்றாக எழுதுகிறீர்கள். உங்களை தொடர்ந்து உயிர்மை, கீற்று இணைய தளங்களில் பார்த்து வருகிறேன். வாழ்த்துக்கள்.
நல்ல சித்திரம் போல் இருக்கிறது கவிதை. அருமை. ரசித்தேன்.
காற்சட்டையில் சேறடித்திருக்கக்
கவலையேதுமில்லை
தேய்த்துக் கழுவ அம்மா இருக்கிறாள்
சேற்றோவியம் வரைந்திருந்தவுன்
நீண்ட அங்கியைக் கவலையுடன்
பார்த்தவாறிருக்கிறாய்
தேய்த்துக் கழுவுவது நீயாக இருக்கக்கூடும்
இந்த இரு இடங்கள் கவிதையில் அழகு ரிஷான்
திரைக்காட்சிகளில் வரும்
அழகிய இளம்பெண்களின்
மழை நடனங்கள் பற்றிய கனவுகளோடு
யன்னல் வழியே பார்க்கிறேன் உன்னை
ஓஹோ ...
//சேற்றோவியம் வரைந்திருந்தவுன்
நீண்ட அங்கியைக் கவலையுடன்
பார்த்தவாறிருக்கிறாய்
தேய்த்துக் கழுவுவது நீயாக இருக்கக்கூடும் //
இந்தவரிகளால்!! தலைப்பை உணர்த்திவிட்டீர்கள் ரிஷான்!!சபாஷ்!
//உன் நாணத்தை முழுமையாக வழித்தெறியத்
தூறலுக்குத் தெரியவுமில்லை//
மிக அழகான வரிகள்
வெகு அழகான மழைக் கவிதை ரிஷான். பல நினைவுகளைத் தட்டி எழுப்புகிறது.
சேற்றோவியம் என்றே பெயர் சூட்டலாமோ.
இடர் மழையில் பார்வைகள் சேர்ந்ததால் தொடர் மழையாகி இருக்குமோ.
.இந்த மாதிரி பல சாத்தியக் கூறுகள்.
அன்பின் தமிழினி,
//அருமையான கவிதை தோழர்,வாழ்த்துக்கள்............//
கருத்துக்கும் அன்பான வாழ்த்துக்களுக்கும் நன்றி சகோதரி !
அன்பின் Naji Deen,
வ அலைக்கும் ஸலாம்.
//அழகான கவிதை, நன்றாக எழுதுகிறீர்கள். உங்களை தொடர்ந்து உயிர்மை, கீற்று இணைய தளங்களில் பார்த்து வருகிறேன். வாழ்த்துக்கள்.//
கருத்துக்கும் அன்பான வாழ்த்துக்களுக்கும் நன்றி நண்பரே !
அன்பின் மாதவராஜ்,
//நல்ல சித்திரம் போல் இருக்கிறது கவிதை. அருமை. ரசித்தேன்.//
வருகைக்கும் கருத்துக்கும் நன்றி அன்பு நண்பரே !
அன்பின் பூங்குழலி,
///காற்சட்டையில் சேறடித்திருக்கக்
கவலையேதுமில்லை
தேய்த்துக் கழுவ அம்மா இருக்கிறாள்
சேற்றோவியம் வரைந்திருந்தவுன்
நீண்ட அங்கியைக் கவலையுடன்
பார்த்தவாறிருக்கிறாய்
தேய்த்துக் கழுவுவது நீயாக இருக்கக்கூடும்//
இந்த இரு இடங்கள் கவிதையில் அழகு ரிஷான்
//திரைக்காட்சிகளில் வரும்
அழகிய இளம்பெண்களின்
மழை நடனங்கள் பற்றிய கனவுகளோடு
யன்னல் வழியே பார்க்கிறேன் உன்னை//
ஓஹோ ...///
:)
வருகைக்கும் கருத்துக்கும் நன்றி சகோதரி :)
அன்பின் விஜி,
////சேற்றோவியம் வரைந்திருந்தவுன்
நீண்ட அங்கியைக் கவலையுடன்
பார்த்தவாறிருக்கிறாய்
தேய்த்துக் கழுவுவது நீயாக இருக்கக்கூடும் //
இந்தவரிகளால்!! தலைப்பை உணர்த்திவிட்டீர்கள் ரிஷான்!!சபாஷ்!//
:)
கருத்துக்கு நன்றி தோழி :)
அன்பின் ஸ்ரீ சரவணகுமார்,
////உன் நாணத்தை முழுமையாக வழித்தெறியத்
தூறலுக்குத் தெரியவுமில்லை//
மிக அழகான வரிகள்//
வருகைக்கும் கருத்துக்கும் நன்றி அன்பு நண்பரே !
அன்பின் வல்லிசிம்ஹன்,
//வெகு அழகான மழைக் கவிதை ரிஷான். பல நினைவுகளைத் தட்டி எழுப்புகிறது.
சேற்றோவியம் என்றே பெயர் சூட்டலாமோ.
இடர் மழையில் பார்வைகள் சேர்ந்ததால் தொடர் மழையாகி இருக்குமோ.
.இந்த மாதிரி பல சாத்தியக் கூறுகள்.//
அழகான கருத்து.
வருகைக்கும் கருத்துக்கும் நன்றி சகோதரி !
மிகவும் நன்றாக இருந்தது
அன்பின் ஜெயலக்ஷ்மி,
கருத்துக்கு நன்றி சகோதரி !
Post a Comment